ni li ku ala, taso ni li kama ku la pona kin a.
mi kama sona pi poki nanpa lon tomo sona suli. tenpo ni la, ni li pona tawa mi: poki nanpa li ken kama sona. nasin jan li ante, taso nasin pi poki nanpa li pona suli kin. tan ni, mi lukin ante e nimi tan toki Inli tawa toki pona. o lukin:
| toki Inli | toki pona | toki mute sama |
|---|---|---|
| Artificial intelligence | lawa pi poki nanpa, lawa nanpa, lawa poki | poki nanpa li pali li lukin e ijo la, ona li ken ante e nasin pali. |
| Machine learning | kama sona pi lawa nanpa | poki nanpa li lukin e ijo mute la, nasin pali ona li kama pona. |
| Machine learning model | nasin pi kama sona pi lawa nanpa | poki nanpa li kama sona la, ona li kepeken nasin ni. |
| Decision tree | kasi suli nanpa, kasi suli lawa | ni li nasin pi kama sona pi lawa nanpa. ona li toki mute e ni: ijo ni li seme? ni la, ona li lawa pona e kule ijo. |
| Artificial neuron | lawa lili | ni li lanpan e nanpa mute la ona li pali e nanpa sin. |
| (Neuron) Weight | nanpa lawa | lawa lili li lanpan e nanpa la ona li sona e ni kepeken nanpa lawa ni: nanpa lanpan li suli anu seme? |
| (Neuron) Bias | nanpa namako | ni li nanpa lawa namako. lawa lili li lanpan e nanpa mute la ona li kepeken e nanpa lawa mute li kepeken kin e nanpa ni. |
| Artificial neural network | kulupu nanpa, kulupu pi lawa lili | ni li nasin pi kama sona pi lawa nanpa. ni li lawa lili mute mute. ona li lanpan e sitelen e lipu la ona li pali e ijo. |
ike kin li lon sitelen ni. ken la "ensemble method" kin li "kulupu pi lawa lili" kepeken toki pona, taso mi ken ala weka e ni. toki pona li pona: ona toki kepeken nimi lili. toki pi lawa pi poki nanpa li kepeken e nimi mute: ni li ike.
ni li pona tawa mi: sina lukin e sitelen mi.